દુનિયા આખીની ટેલિફોન ડિરેકટરી જેવી ટ્રુકોલર સર્વિસ ભારતમાં ચારેક વર્ષથી યુનિફાઇડ પેમેન્ટ ઇન્ટરફેસ (યુપીઆઈ) આધારિત પેમેન્ટ સર્વિસ આપતી હતી.
ગયા વર્ષમાં એક તબક્કે ટ્રુકોલર પર યુપીઆઈનો ઉપયોગ કરતા યૂઝર્સની સંખ્યા લગભગ બે કરોડના આંકે પહોંચી ગઈ હતી. પરંતુ હવે જાણવા મળ્યા મુજબ ટ્રુકોલરે ભારતમાં તેની યુપીઆઈ સર્વિસ ૮ માર્ચ, ૨૦૨૧થી સમેટી લીધી છે.
ટ્રુકોલર આઇસીઆઇસીઆઈ બેન્ક અને બેન્ક ઓફ બરોડાના સાથમાં યુપીઆઈ સર્વિસ આપતી હતી. કંપનીના દાવા મુજબ કંપનીએ કમ્યુનિકેશન અને સેફ્ટીની મુખ્ય એપ્સ પર ફોકસ કરવા માટે આ નિર્ણય લીધો છે. ભારતમાં અત્યારે ટ્રુકોલરના ૨૦ કરોડ જેટલા સક્રિય યૂઝર્સ છે.
