આ ન્યૂઝ એપ આપણા રસના વિષય જાણી જ લે છે, છતાં તેને કસ્ટમાઇઝ પણ કરી શકાય.
આજના સમયમાં સમાચારો જાણવા માટે આપણી પાસે અનેક રસ્તા છે. તેમાંનો એક છે ગૂગલ ન્યૂઝ. તમે સ્માર્ટફોનમાં એપ સ્વરૂપે અને પીસી/લેપટોપમાં વેબસાઇટ્સ સ્વરૂપે આ સર્વિસનો ઉપયોગ કરી શકો છો. ગૂગલ ન્યૂઝની ખાસિયત એ છે કે તેમાં હજારો ન્યૂઝ વેબસાઇટ્સમાંથી રોજેરોજના સમાચાર જુદા જુદા લોકેશન અને ટોપિક મુજબ તારવીને તથા એક સાથે ગોઠવીને આપણને બતાવવામાં આવે છે.
એપની વાત કરીએ તો ગૂગલ ન્યૂઝ એપના મુખ્ય બે ભાગ છે. એપના હોમસ્ક્રીન પર છેક નીચેની તરફ ‘ફોર યૂ’ સેકશનને એપનો પહેલો ભાગ ગણી શકાય અને અન્ય સેકશન એપનો બીજો ભાગ છે.
આ બીજા ભાગમાં, હેડલાઇન્સ સેકશનમાં દેખાતા તમામ સમાચાર સૌ યૂઝર્સ માટે એકસરખા હોય છે, જ્યારે ફોર યૂ સેકશનમાં તમારી એક્વિટીવિટી અને હિસ્ટ્રીને આધારે તથા તમે દર્શાવેલા રસ મુજબના સમાચાર જોવા મળે છે.
તમને ફોર યૂ સેકશનમાં બતાવવામાં આવતા સમાચારોથી સંતોષ ન હોય તો તમે ગૂગલ ન્યૂઝમાં તમારી પોતાની પસંદગીના ન્યૂઝ સોર્સ ઉમેરી શકો છો.
આ પસંદગીમાં આર્ટિફિશિયલ ઇન્ટેલિજન્સ ભાગ ભજવે છે એ કારણે તમે જેમ જેમ ગૂગલ ન્યૂઝમાં જુદા જુદા ન્યૂઝ માત્ર બ્રાઉઝ કરો કે કોઈ લિન્ક ક્લિક કરીને તેમાં ઊંડા ઊતરો તેના આધારે આ એપ જાણી લે છે કે તમને કઈ બાબતોમાં વધુ રસ છે.
આમ છતાં જો તમને ફોર યૂ સેકશનમાં બતાવવામાં આવતા સમાચારોથી સંતોષ ન હોય તો તમે તમારી પોતાની પસંદગીના ન્યૂઝ સોર્સ ઉમેરી શકો છો. આ માટે એપ અને વેબ વર્ઝનની પદ્ધતિ સરખી છે, આપણે એપની પદ્ધતિ જાણીએ.
