દુનિયાભરમાં અને ભારતમાં અત્યારથી ફાઇવજી ટેકનોલોજી ગાજવા લાગી છે અને તેને સપોર્ટ કરતા ઘણા સ્માર્ટફોન પણ લોન્ચ થવા લાગ્યા છે.
આમ છતાં, હમણાં હમણાં જ લોન્ચ થયેલા બે મહત્ત્વના સ્માર્ટફોનમાં ફાઇવજીનો સપોર્ટ આપવામાં આવ્યો નથી. આ બે ફોન છે ગૂગલનો પિક્સેલ ૪ અને વનપ્લસ ૭ટી.
આવું કેમ થયું એનો જવાબ આપતાં ગૂગલના પ્રોડક્ટ ડિઝાઇનના વાઇસ પ્રેસિડેન્ટે જે કહ્યું તે આપણે પણ ફોન ખરીદતી વખતે ધ્યાનમાં લેવા જેવું છે. તેમણે કહ્યું કે ‘‘છેવટે ફાઇવજીનો સમય આવશે જ, પણ અત્યારે ફાઇવજી ફોન ખરીદવાનો યોગ્ય સમય નથી. હજી વધુ ને વધુ લોકોને તેનો લાભ મળે એટલું વ્યાપક કવરેજ ઉપલબ્ધ નથી. હાર્ડવેર અને ફોનની રીતે જોઈએ તો પણ આ ટેક્નોલોજી હજી બહુ પાવર ખાય તેવી અને અપરિપક્વ છે.’’
વનપ્લસ કંપનીએ તેના ૭ટી મોબાઇલના અમુક વર્ઝનમાં ફાઇવજીનો સપોર્ટ ન આપવાનું પસંદ કર્યું છે.
