ગૂગલ ઇન્ટરનેટ પર વિવિધ સર્વિસ પૂરી પાડે છે, એન્ડ્રોઇડ થકી મોબાઇલ ફોનના માર્કેટ પર પણ તેણે પકડ જમાવી છે અને હવે મોબાઇલ ફોન નેટવર્કમાં પણ તેણે ઝુકાવ્યું છે!
અત્યારે ફક્ત અમેરિકા પૂરતી લોન્ચ થયેલી આ સર્વિસમાં, ગૂગલ બે વર્તમાન મોબાઇલ નેટવર્ક ઓપરેટર્સ – સ્પ્રિન્ટ અને ટી-મોબાઇલના વાઇ-ફાઇ હોટસ્પોટ્સનો ઉપયોગ કરશે અને બંને કંપનીની વોઇસ અને ડેટા કેપેસિટિ માટે તેમને ભાડું ચૂકવશે.
મજાની વાત એ છે કે ‘પ્રોજેક્ટ ફાઇ’ એવું નામ ધરાવતી આ નવી સર્વિસ હાલમાં ફક્ત ગૂગલનો નેક્સસ ૬ ફોન ધરાવતા લોકોને જ મોબાઇલ નેટવર્કની સવલત આપશે! આ સર્વિસનો એક મોટો લાભ એ છે કે તેમાં લોકો પોતાના પ્લાન મુજબ ૧ જીબી કે ૨ જીબી જેટલો ડેટા વાપરી ન શકે તો તેમણે જેટલો ડેટા વાપર્યો હશે તેટલી જ રકમ ચુકવવાની રહેશે.
ગૂગલની પરંપરા મુજબ, અત્યારે આ સગવડ માત્ર આમંત્રણથી જ મેળવી શકાશે!
