ટાઇટેનિક ડૂબ્યું : ૧૪ એપ્રિલ, ૧૯૧૨

ભવ્યતાના અવતાર સમા અને અનસિન્કેબલ અડૂબનીય- ગણાતા બ્રિટનના વૈભવશાળી જહાજ ટાઇટેનિકની પહેલી સફર ૧૦ એપ્રિલ, ૧૯૧૨ના રોજ શરૂ થઈ ત્યારે તેના દબદબાનો પાર ન હતો. તેના ફર્સ્ટ ક્લાસની ટિકિટ આજથી ૧૦૦ વર્ષ પહેલાં ૮૭૦ પાઉન્ડ હતી. ૮૮૨ ફીટ લાંબી અને ૧૦૪ ફીટ ઊંચી સ્ટીમર પર ૧,૩૧૬ મુસાફરો અને ૮૯૧ નાવિકોનો સ્ટાફ મળીને કુલ ૨,૨૦૭ જણ હતા.

૧૪ એપ્રિલની રાત્રે ૧૧:૪૦ વાગ્યે વિરાટ હિમશીલા સાથે થયેલા ઘસારાએ ટાઇટેનિકના પડખામાં લગભગ ૩૦૦ ફીટ લાંબો ચીરો પાડી દીધો. તેની અસરથી ટાઇટેનિક એક તરફ નમવા લાગ્યું અને ભયંકર ઠંડી ધરાવતા એટલાન્ટિક મહાસાગરમાં ધીમે ધીમે કરીને આખી ડૂબી ગઈ. ૧,૫૧૩ લોકો માટે તે જીવનની યાદગાર નહીં, પણ આખરી સફર બની રહી.
http://www.titanicuniverse.com/