મિનિટનાં ૭૮ ચક્કર ફરતી ‘થાળી’ રેકોર્ડના ચલણ પછી, મિનિટના ૩૩ ૧/૩ આંટા ફરતી- વધુ ક્ષમતા ધરાવતી રેકોર્ડનાં સંશોધન ૧૯૩૦ના દાયકાથી આરંભાઈ ચૂક્યાં હતાં. પણ અમેરિકાની કમર તોડી નાખતી આર્થિક મંદી અને બીજા વિશ્વયુદ્ધને કારણે રેકોર્ડની ઉત્ક્રાંતિમાં ઝોલ આવ્યો. મિનિટના ૩૩ ૧/૩ આંટા ફરતી અગાઉની રેકોર્ડમાં આંકા બહુ પહોળા હોવાથી ઓછું સંગીત સમાતું. તેને વગાડવા માટેની પિન ભારેખમ હોવાથી થોડા વખતમાં રેકોર્ડના શબ્દાર્થમાં છોંતરા નીકળવા લાગતાં, અવાજની ગુણવત્તાના પણ પ્રશ્નો હતા.

કોલંબિયા કંપનીએ આ બધી સમસ્યાઓ પર અલગ અલગ ટેક્નિશિયનોને કામ લગાડીને, આખરે ૧૨ ઇંચનો વ્યાસ, એક બાજુ પર ૨૨ મિનિટ જેટલું રેકોર્ડિંગ થઈ શકે એવી રેકોર્ડ તૈયાર કરી. તેનું પ્રચલિત બનેલું નામ ‘એલ.પી.’ પણ કોલંબિયાએ પેટન્ટ કરાવ્યું હતું. ઓડિયો કેસેટ, સીડી અને ડિવિડીના જમાના પછી, શોખીનો પૂરતો હવે નવેસરથી એલ.પી.નો યુગ પાછો ફર્યો છે.

તમારું અને તમારા મનગમતા ગીતનું નામ રેકોર્ડ પર લેબલ તરીકે જોવું છે? www.says-it.com/record/ પર જાવ, મનમરજી પ્રમાણેની કાલ્પનિક વિગતો ભરો અને જુઓ તમારા નામની રેકોર્ડ.