તમારા આઇફોનમાંના ડેટાને એકદમ ટાઇટ સલામતી આપવાનો પહેલો રસ્તો આઇફોનને પાસકોડથી પ્રોટેક્ટ કરવાનો છે. ટુ-સ્ટેપ કે ટુ-ફેક્ટર વેરિિફકેશન જેવી, એકાઉન્ટને વધુ સલામતી આપતી પદ્ધતિઓના ઉપયોગ માટે આઇફોનને લોક્ડ રાખવો અનિવાર્ય છે.
આ માટે એપલ ચાર કે છ ડિજિટના પાસકોડને બદલે ડિજિટ અને લેટર્સ બંનેના મિશ્રણવાળો પાસકોડ પસંદ કરવાથી ફોનમાંનો ડેટા હજી વધુ સિકયોર્ડ બનશે. આઇફોનમાં પાસકોડ સેટ કરવાથી ફોનમાંનો ડેટા એનક્રિપ્ટ થશે. પાસકોડ સેટ કર્યા પછી ફોન અનલોક કરવા માટે તમે ફેસ આઇડી અથવા ટચ આઇડીનો ઉપયોગ કરી શકો છો. એમ છતાં, અમુક ચોક્કસ સ્થિતિમાં સિસ્ટમ તમને પાસકોડ જ પૂછશે!
એ ઉપરાંત, સતત ૧૦ વાર ખોટો પાસકોડ આપવાનો પ્રયાસ થાય તો ફોનમાંનો તમામ ડેટા મીડિયા અને પર્સનલ સેટિંગ્સ આપોઆપ ડીલિટ થાય એવું પણ સેટિંગ કરી શકાય છે. અલબત્ત એ ધ્યાન રાખશો કે તમે પોતે પાસકોડ આપવામાં ગફલત કરશો તો પણ ૧૦ ખોટા પ્રયાસ પછી ડેટા ભૂંસાઈ જશે!
