માત્ર પાસવર્ડથી આપણાં ઓનલાઇન એકાઉન્ટ્સ સલામત રહી શકતાં નથી એટલે તમામ જાણીતી ટેક કંપની તેના એકાઉન્ટ માટે ટુ-સ્ટેપ કે ટુ-ફેક્ટર ઓથેન્ટિકેશનની સગવડ આપે છે.
તેમાં, એકાઉન્ટમાં લોગ-ઇન થવા માટે પાસવર્ડ ઉપરાંત, આપણા અન્ય ટ્રસ્ટેડ ડિવાઇસમાં મળતી માહિતીનો ઉપયોગ કરવાનો થાય છે. એપલ એકાઉન્ટમાં લાંબા સમયથી ટુ-સ્ટેપ વેરિફિકેશનનો ઉપયોગ થતો હતો, હવે તેનાથી પણ વધુ સલામતી આપતી ટુ-ફેક્ટર પદ્ધતિનો ઉપયોગ થાય છે.
તેનો લાભ લેવા માટે…
- તમારા આઇફોનમાં સેટિંગ્સમાં, તમારા નામ પર ક્લિક કરી, પાસવર્ડ એન્ડ સિક્યોરિટીમાં જાઓ.
- એ પછી તમે જે ફોન નંબર પર વેરિફિકેશન કોડ્સ મેળવવા માગતા હો તે નંબર આપવાનો રહેશે. પછી તમે ટુ-ફેક્ટર ઓથેન્ટિકેશન ઓન કરી શકશો.
એપલે હવે આઇફોન, આઇપેડ, મેક, એપલ ટીવી, વોચ તથા એપલની વેબસાઇટ્સમાં બધે ટુ-ફેક્ટર ઓથેન્ટિકેશન ઉમેરી દીધું છે. આપણા એકાઉન્ટને સલામત બનાવવા માટે આ પ્રકારના ઓથેન્ટિકેશનને હવે બંધ કરી શકાતું નથી, એટલે તેને બરાબર સમજી લેવું પડશે.
