ફેસબુક પર આપણે કોઈને શુભેચ્છા આપવા Happy Birthday કે ‘અભિનંદન’ લખીને મોકલીએ ત્યારે તમે નોંધ્યું હશે કે આ શબ્દો બ્લેકમાંથી બીજા રંગના થઈ જતા હોય છે.
તમે બીજાને આવી શુભેચ્છાઓ મોકલતી વખતે કે રીસિવ કરતી વખતે આ અનુભવ કર્યો હશે. કમેન્ટમાં આવેલા આ જુદા રંગના શબ્દો ક્લિક કરીએ ત્યારે જાતભાતનાં મજાનાં એનિમેશન્સ જોવા મળશે!
ફેસબુકની આવી કરામત ‘ટેક્સ્ટ ડિલાઇટ્સ’ તરીકે ઓળખાય છે. ફેસબુક કયા શબ્દો માટે ડિલાઇટફુલ એનિમેશનનો અનુભવ આપવો એ પોતાની રીતે નક્કી કરે છે. તમે આવી મજાનો ક્યારેક ને ક્યારેક અનુભવ કર્યો જ હશે, એટલે એ નવી વાત નથી.
નવી વાત એ હોઈ શકે કે ફેસબુક આવા નિશ્ચિત શબ્દો, જેના માટે ટેક્સ્ટ ડિલાઇટ ફીચર લાગુ થાય એમાં ઉમેરો કરતી જ જાય છે. ક્યારેક ‘ફેસબુક ટેક્સ્ટ ડિલાઇટ્સ લિસ્ટ’ સર્ચ કરી જુઓ.