ઇન્ટરનેટ વિવિધ કન્ટેન્ટ કે મીડિયા સર્વિસ મનગમતા કન્ટેન્ટ/મીડિયાનાં કલેક્શન બનાવવાની સગવડ આપતી હોય છે. ફેસબુક પણ આવી સગવડ આપે છે.
ફેસબુકમાં આપણે વિવિધ પોસ્ટનાં કલેક્શન્સ બનાવી શકીએ છીએ. ફેસબુક પર આપણે પોતે અને આપણા મિત્રો ખાસ્સા એક્ટિવ હોઈએ તો આપણી ન્યૂઝ ફીડમાં સતત પાર વગરની સામગ્રી ઉમેરાતી રહે છે. બધા પર એક સાથે નજર ફેરવી શકાય, પણ બધું એક સાથે વાંચી કે જોઈ ન શકાય, તેમ દરેક પર તરત પોતાનો કંઈક વિચાર આપવો પણ શક્ય ન હોય. આવે સમયે, જે પોસ્ટ પર પછી ફુરસદે નજર નાખવા જેવી લાગે તેને આ રીતે સેવ કરી શકાય.
- પોસ્ટને સેવ કરતી વખતે તમે જુદાં જુદાં કલેક્શન પણ બનાવી શકો છો.
- તેમ જ એ લિસ્ટને પ્રાઇવેટ, પબ્લિક કે ફ્રેન્ડ્સ પૂરતું લિમિટેડ રાખી શકો છો.
- સેવ્ડ પોસ્ટનાં કલેક્શન્સ ફેસબુકના મેઇન મેનૂમાં જઈને શોધી શકાશે.
