ઘણા શિક્ષકો અને માતા-પિતાને બાળકોના અક્ષરની ઘણી અને વાજબી ચિંતા હોય છે. એમાંય પાછલાં થોડાં વર્ષોમાં કોરોનાને કારણે શિક્ષણ ઓનલાઇન થતાં વિદ્યાર્થીઓનું લખવાનું ઘટ્યું અને હાથમાં મોબાઇલ પકડી રાખવાનું પ્રમાણ વધ્યું. પરિણામે અક્ષરો બગડ્યા!
તમને આ બંને વાતની ચિંતા હોય તો તેના ઉપાય તરીકે મોબાઇલને જ કામે લગાડી શકો છો. અક્ષર સુધારવા માટે હાથમાં સાચુકલી પેન કે પેન્સિલ પકડીને કાગળ પર પ્રેક્ટિસ કરવાથી વધુ સારો વિકલ્પ કોઈ હોઈ ન શકે. પરંતુ બાળકોને ધીમે ધીમે એ તરફ વાળવા હોય તો તેમની મોબાઇલની આદતને જ કામે લગાડી શકાય.
સ્માર્ટફોનમાં સ્ટાઇલોગ્રાફ (Stylograph) નામની એક એપ ઇન્સ્ટોલ કરી જુઓ. આ ફ્રી અને સિમ્પલ એપમાં જુદા જુદા ફોન્ટ પસંદ કરીને તેના પર પેનની જેમ અક્ષર ઘૂંટવાની પ્રેક્ટિસ કરી શકાય છે. એપમાં આલ્ફાબેટ્સ, નંબર્સ અને વર્ડ્સ પસંદ કરીને તેને કેલિગ્રાફીની જેમ સરસ રીતે લખવાના વિકલ્પ મળે છે. આપણે કેટલી એક્યુરસી જાળવી શક્યા તે આપણને ૦ થી ૧૦૦ના એક્યુરસી મીટર પર બતાવવામાં આવે છે.
કેલિગ્રાફર, ઇઝી કર્સિવ હેન્ડરાઇટિંગ, કર્સિવ રાઇટિંગ વિઝાર્ડ વગેરે જેવી આ જ પ્રકારની અન્ય એપ્સ પણ તપાસી શકાય.
એજ્યુકેશન: Stylograph – Learn writing cal
