‘સીલબટ્ટે કો ઇંગ્લિશ મેં ક્યા કહતે હૈં…?’’ એક જાહેરાતમાં આ સવાલ અનેક પરિવારના અનેક લોકોને પૂછાયા પછી આખરે જવાબ મળે છે કે અંગ્રેજી શબ્દ જાણવાની જરૂર જ નથી, હવે હિન્દી ભાષામાં પણ ઇ-શોપિંગ કરી શકાય છે!
હવે વાત જરા આગળ વધી છે અને આપણે ‘ખાયણી દસ્તા’નું અંગ્રેજી તો ઠીક હિન્દી શોધવા પણ જવું નહીં પડે કારણ કે ફ્લિપકાર્ટ વેબસાઇટ પર હવે ગુજરાતી ભાષા પસંદ કરીને પણ શોપિંગ કરી શકાય છે
કંપનીની અખબારી નોંધ અનુસાર આ પ્લેટફોર્મ પર અત્યારે ભારતમાં બોલાતી આઠ ભાષાઓ અને તે સાથે સ્થાનિક ભાષાનો ઉપયોગ કરતા લગભગ ૮૦ ટકા લોકોને આવરી લેવામાં આવ્યા છે. કંપનીના દાવા અનુસાર યૂઝર્સ માટે સ્થાનિક ભાષામાં શોપિંગ સહેલું બનાવવા માટે ૫૪ લાખ શબ્દોનું ભાષાંતર કરવામાં આવ્યું છે.
