ઇન્ટરનેટનું અર્થતંત્ર યૂઝરને ફ્રી સર્વિસ આપીને જાહેરાતોમાંથી કમાણી કરવાના મોડેલ પર આધારિત રહ્યું છે.
પરંતુ ધીમે ધીમે વિશ્વભરમાં યૂઝર પાસેથી પણ ફી લેવાનું વલણ વધી રહ્યું છે. યુએસમાં હવે મોટા ભાગનાં અખબારો ઇન્ટરનેટ પર ફ્રી રહ્યાં નથી. ભારતમાં પણ ઘણાં બધાં અખબારી જૂથો ઇ-પેપર એક્સેસ કરવા માટે લવાજમ મેળવવાની કોશિશ કરી રહ્યાં છે. હવે સમાચાર છે કે ટ્વીટર પણ સબસ્ક્રિપ્શન સર્વિસ લોન્ચ કરશે. આ સર્વિસ ‘સુપરફોલો’ તરીકે ઓળખાશે. ટ્વીટર પર સારું એવું ફોલોઇંગ ધરાવતા લોકો લઈ શકશે અને તેમનું કન્ટેન્ટ એક્સેસ કરવા માટે યૂઝર્સે ફી ચૂકવવાની રહેશે.