અત્યારે વોટ્સએપનો આપણે એક સમયે એક જ સાધનમાં ઉપયોગ કરી શકીએ છીએ. એટલે કે એક સ્માર્ટફોનમાં વોટ્સએપ એપ ઇન્સ્ટોલ કરી, તેમાં આપણા ફોન નંબરથી લોગ-ઇન થઈએ પછી બીજા ફોનમાં વોટ્સએપ એપ નાખી, એ જ નંબરથી તેનો ઉપયોગ કરી શકાતો નથી.
પીસીમાં વેબ-વર્ઝન છે, પણ તેમાં પણ સ્માર્ટફોનથી ક્યુઆર કોડ સ્કેન કરીને ઉપયોગ થઈ શકે.
ફેસબુક મેસેન્જર, ટેલિગ્રામ વગેરેમાં આવું નથી, તેમાં એક સાથે ગમે તેટલાં ડિવાઇસમાં લોગ-ઇન કરી શકાય છે.
વોટ્સએપમાં હવે આ સ્થિતિ બદલાય તેવી શક્યતા છે.
હમણાં જોવા મળેલા કેટલાક સ્ક્રીનશોટ્સ અનુસાર, વોટ્સએપમાં યૂઝરને અલ રીતે લોગ-ઇન થવાનું કહેવામાં આવી રહ્યું છે. કંપની તરફથી આ વિશે હજી કોઈ સત્તાવાર સ્પષ્ટતા નથી.