- સીધાં જ બે બેન્ક એકાઉન્ટને જોડતી વ્યવસ્થા. મોબાઇલ વોલેટની જેમ યુપીઆઇ એપમાં અલગ બેલેન્સ રાખવાની જરૂર નહીં.
- રકમ મેળવનાર કે આપનાર, બંનેમાંથી કોઈ પાર્ટીએ બેન્કની વિગતો આપવાની જરૂર નહીં. આથી લેવડદેવડની અન્ય રીત કરતાં વધુ સલામતી.
- સરકારની પોતાની ભીમ એપ ઉપરાંત, સંખ્યાબંધ બેન્ક્સ અને અન્ય કંપનીની યુપીઆઇ એપમાંથી કોઈનો પણ ઉપયોગ કરી શકાય.
- કોઈ ચોક્કસ એપનો ઉપયોગ જરૂરી નથી. કોઈ પણ એપમાં, કોઈ પણ બેન્કનું ખાતું કનેક્ટ કરી શકાય. એકથી વધુ ખાતાં પણ કનેક્ટ કરી શકાય.
- ચોવીસે કલાક, રજાના દિવસે પણ કાર્યરત. રકમની આપલે કે બિલની ચૂકવણીનો કોઈ ચાર્જ નહીં (ફક્ત અમુક વેપારી માટે ચાર્જ ખરો).
- ફક્ત યુપીઆઇ એડ્રેસ આપીને પેમેન્ટ મેળવી શકાય. ફક્ત ક્યુઆર કોડ સ્કેન કરીને પેમેન્ટ કરી શકાય. બંને રીત સરળ, ઝડપી અને સલામત.
- યુપીઆઇ એડ્રેસ વેરિફાય થાય/ ક્યુઆર કોડ સ્કેન કરવાથી જાતે કોઈ વિગત આપવાની નથી, આથી ખોટી વ્યક્તિને પેમેન્ટ થવાની શક્યતા નહીં.
- એટલું યાદ રાખવું જરૂરી છે કે રકમ ઇન્સ્ટન્ટલી ટ્રાન્સફર થતી હોવાથી અને સીધું બેન્ક એકાઉન્ટ કનેક્ટેડ હોવાથી પેમેન્ટ કરતી વખતે સાવધાની જરૂરી.
- આ વ્યવસ્થા પોતે સલામત છે, આપણી પોતાની અસાવધાનીથી તે અસલામત બની શકે. ફરિયાદ સીધી એપમાં પણ નોંધાવી શકાય.
