હમણાં ચાઇનીઝ ફોન મેન્યુફેકચરિંગ કંપની ઝાયોમીએ જાહેર કર્યું છે કે તેણે ભારતમાં છેલ્લાં પાંચ વર્ષમાં ૧૦ કરોડ સ્માર્ટફોન્સનું વેચાણ કર્યું છે. ઇન્ટરનેશનલ ડેટા કોર્પોરેશન (આઇડીસી) તરફથી આ દાવાને સમર્થન મળ્યું છે. ભારતમાં આ આંકડે પહોંચનારી ઝાયોમી સર્વપ્રથમ બ્રાન્ડ છે.
આનો અર્થ એ થયો કે કંપનીએ ભારતમાં રોજે રોજ સરેરાશ ૫૪,૭૯૪ ફોનનું વેચાણ કર્યું છે!
ભારતમાં ઝાયોમીના રેડમી એ અને રેડમી નોટ સિરિઝના ફોન સૌથી વધુ લોકપ્રિય પૂરવાર થયા છે. એ પણ નોંધવા જેવું છે કે ભારતમાં છેલ્લા આઠ ત્રિમાસિક ગાળામાં સ્માર્ટફોનના વેચાણમાં ઝાયોમી કંપની સતત સૌથી આગળ રહી છે.
