વોટ્સએપમાં આપણા મેસેજ સંબંધિત બ્લૂ કે ગ્રે ટીકના અર્થ આપણે બરાબર સમજીએ છીએ, પણ ફેસબુકની મેસેન્જર એપમાં આવતી આવી નિશાનીઓના અર્થ પણ જાણી લેવા જેવા છે…
તમારા ફોનમાં ઇન્ટરનેટ કનેકશન ચાલુ ન હોય ત્યારે મેસેન્જર એપ ઓપન કરી કોઈને મેસેજ મોકલો ત્યારે મેસેજની બાજુમાં એક ખાલી વર્તુળ જોવા મળે છે, જેનો અર્થ છે કે મેસેજ મોકલવાનો બાકી છે. સામાન્ય રીતે તમે આ નિશાની નહીં જુઓ કેમ કે તે મેસેજ મોકલાઈ રહ્યો હોવાની નિશાની છે. તમારા ફોનમાં નેટકનેકશન સારું હશે તો મેસેજ સેન્ડ કરતાં તે તરત જ મોકલાઈ જશે અને આપણને આ નિશાની જોવાનો મોકો નહીં મળે.
આ નિશાની મેસેજ મોકલાઈ ગયો હોવાનો દર્શાવે છે, પણ બની શકે કે આપણે જેને મોકલ્યો તેને હજી તે પહોંચ્યો ન હોય.
વર્તુળમાં રંગ ભરાઈ જાય અને ટિકની નિશાની જોવા મળે ત્યારે તેનો અર્થ એ થયો કે મેસેજ સામેની વ્યક્તિને પહોંચી ગયો છે, પણ તેણે હજી જોયો નથી.
સામેની વ્યક્તિ જ્યારે આપણો મેસેજ જોઈ લે ત્યારે આ ટીકની જગ્યાએ એ વ્યક્તિની પ્રોફાઇલ ઇમેજ આપણે જોઈ શકીએ છીએ.
જ્યારે મેસેજી બાજુમાં લાલ ત્રિકોણમાં આશ્ચર્યચિન્હની નિશાની જોવા મળે તો તેનો અર્થ છે કે આપણો મેસેજ કોઈ કારણસર મોકલી શકાયો નથી.
