ગેમિંગ
Lines – Physics Drawing Puzzle
સ્માર્ટફોનમાં કાર કે બાઇકની રેસિંગ એપ્સની તો ભરમાર છે, એમાં તમે કંઈક ‘હટકે’ ગેમ શોધતા હો તો આ એપ ગમશે.
એપ ઇન્સ્ટોલ કરતાં એક નાનું ટ્યુટોરિયલ બતાવવામાં આવશે. ગેમનો કન્સેપ્ટ એવો છે કે જુદાં જુદાં લેવલમાં, અલગ અલગ રૂટ બતાવવામાં આવશે, જેના પર અમુક નિશ્ચિત જગ્યાએ એક કે વધુ રંગના ડોટ જોવા મળશે. આપણે અન્ય કોઈ પણ જગ્યાએ આપણો ડોટ એવી રીતે મૂકવાનો છે, જેથી આ બધા ડોટ એક સરખી ગતિએ રૂટ પર ફેલાય, ત્યારે આપણા ડોટથી ખેંચાતી લીટી સૌથી લાંબી થાય!
સ્ક્રીન પર નીચેની બાજુએ દરેક હરીફના ડોટની રેસમાં કોણ આગળ છે એ જોવા મળશે. ગેમના અલગ મોડ પણ છે, જેમાં હરીફની લીટીને કટ પણ કરી શકાશે. લેવલ્સ પાર કરતા જશો તેમ તેમ ગેમ વધુ કોમ્પ્લેક્સ થતી જશે. પ્લે સ્ટોરમાં એડિટર્સ ચોઈસ છે!
