ઇન્ટરનેટ પર તમે ખાસ્સા સમયથી સક્રિય તો બની શકે કે તમે એવી કેટલીય સર્વિસમાં એકાઉન્ટ ખોલાવ્યું હશે, જેનાં નામ પણ તમે હવે ભૂલી ગયા હશો!આ જ અંકમાં, જૂનાં ખાતાં બંધ કરવા વિશેના આગળના લેખમાં, આવાં એકાઉન્ટ શોધવાની પ્રાથમિક રીતે બતાવી છે. આપણું આ કામ JustDeleteMe નામની એક સર્વિસ જરા વધુ સહેલું બનાવે છે.
આ માટે https://backgroundchecks.org/justdeleteme/ પેજ પર જતાં, બાજુમાં આપેલા સ્ક્રીનશોટ જેવું પેજ ખૂલશે. અહીં તમે ખરેખર અનેક વેબસર્વિસના લોગ-ઇન પેજ સુધી પહોંચવાની લિંક મળશે તેમ જ, એ સર્વિસમાંનું એકાઉન્ટ ડિલીટ કરવું સહેલું છે, મુશ્કેલ છે કે અશક્ય છે એ પણ જાણી શકાશે.
અહીં તમે સર્વિસીઝને ‘પોપ્યુલર’ કેટેગરી મુજબ સોર્ટ કરી શકશો અથવા એ-ટુ-ઝે઼ડ ક્રમબદ્ધ તપાસી શકશો.
મજાની વાત એ છે આટલું લાંબું લચક લિસ્ટ જોઈને, ઇન્ટરનેટ પર કેટલી જાતભાતની સર્વિસ હોય છે એ પણ જાણી શકાશે અને તેમાં તમારું એકાઉન્ટ હોય કે ન હોય, તેમાં ખાંખાખોળા કરવાની ચાનક જરૂર ચઢશે!
