પાવરપોઇન્ટ પ્રેઝન્ટેશન તૈયાર કરતી વખતે ઘણી વાર એવું બને કે આપણે જુદી જુદી ટેક્સ્ટ ફ્રેમ કે ઓબ્જેક્ટને કોપી કરીને અન્ય કોઈ જગ્યાએ પેસ્ટ કરવાની જરૂર પડે એટલે કે આપણે જુદી જુદી બાબતોને ડુપ્લિકેટ કરવાની જરૂર પડે.
આમ કરવાનો એક રસ્તો એ છે કે આપણને જે બાબત ડુપ્લિકેટ સ્વરૂપમાં જોઇતી હોય તેને આપણે સિલેક્ટ કરીને કોપી કરીએ અને પછી પેસ્ટ કરીએ. આ જરા લાંબો રસ્તો થયો.
પાવરપોઇન્ટ આનો એક બહુ સરળ ઉપાય આપે છે.
ધારો કે તમે કોઈ સ્લાઇડમાં એક ચોરસ આકાર ઉમેર્યો. હવે એ ચોરસને તમારે ડુપ્લિકેટ કરવાની જરૂર છે, તો એ માટે તેના પર માઉસ લઇ જાઓ. હવે કંટ્રોલ કી પ્રેસ કરો, આથી કર્સરનો આકાર બદલાશે અને તેમાં પ્લસની નિશાની જોવા મળશે. હવે માઉસની લેફ્ટ કી પ્રેસ કરીને સાથે એ આકારને ડ્રેગ એન્ડ ડ્રોપ કરીને સહેલાઇથી ડુપ્લિકેટ કરી શકાશે.
