હવે સ્માર્ટફોનમાં ઈ-મેઇલનો ઉપયોગ વધી ગયો છે ત્યારે આપણા ઈ-મેઇલ્સની સ્માર્ટફોન પર થતી અસર પર નજર રાખવા જેવી છે. સ્માર્ટફોનમાંની ઈ-મેઇલ એપ સાથે સિન્ક થતા આપણા ઇમેઇલમાં ભારે એેટેચમેન્ટ્સ હોય તો લાંબા ગાળે તેની અસર સ્માર્ટફોનના પર્ફોર્મન્સ પર થઈ શકે છે.
મોટા ભાગે એવું બનતું હોય છે કે આપણે સ્માર્ટફોનમાં ઈ-મેઇલનો ઉપયોગ ફક્ત ગમે ત્યારે આપણા પર આવેલા અગત્યના ઈ-મેઇલ્સ પર નજર કરવા માટે કરતા હોઇએ છીએ, પછી તેના પર કામ લગભગ પીસીમાં જ કરવાનું થતું હોય છે.
આથી સ્માર્ટફોનમાંની ઈ-મેઇલ એપમાં એવું સેટિંગ કરી શકાય કે તેમાં પાછલા માત્ર અમુક દિવસોના મેઇલ્સ જ સિન્ક્ડ રહે (જે આપણે ગમે ત્યારે ઓફલાઇન પણ વાંચી શકીએ).
સાથોસાથ આ ઇમેલ્સમાંના એટેચમેન્ટ આપોઆપ ડાઉનલોડ ન થાય પરંતુ આપણે ઇચ્છીએ ત્યારે જ ડાઉનલોડ થાય તેવું સેટિંગ્સ પણ થઈ શકે.
જીમેઇલ એપમાં આવું કરવા માટે એપના સેટિંગ્સમાં, તમારા જીમેઇલ એકાઉન્ટમાં જાઓ અને તેમાં ‘ડેઝ ઓફ ઇમેઇલ્સ ટુ સિન્ક’નો વિકલ્પ તપાસો.
અહીં જ તમને એટેચમેન્ટનું ઓટોમેટિક ડાઉનલોડિંગ બંધ કરવાનો વિકલ્પ પણ મળશે.
