ફેસબુક તેની ફોટો-શેરિંગ એપ ‘મોમેન્ટ્સ’ બંધ કરી રહી છે. આ એપ ૨૦૧૫માં લોન્ચ થઈ હતી.
આ એપ આપણા ફોટોગ્રાફ્સ ફેસબુક પર અપલોડ કર્યા વિના ડાયરેક્ટલી આપણા ફેસબુક ફ્રેન્ડ્સ સાથે શેર કરવાની સગવડ આપતી હતી. આ એપ ફેબ્રુઆરી ૨૫, ૨૦૧૯ પછી આપણે ડાઉનલોડ કરીને ઇન્સ્ટોલ કરી શકીશું નહીં.
ફેસબુકે સ્વીકાર્યા મુજબ, આ એપ લોકપ્રિય ન થઈ હોવાથી તેને રીટાયર કરવામાં આવી રહી છે. જો તમે મોમેન્ટ્સનો ઉપયોગ કરતા હો તો તેમાંના ફોટોગ્રાફ્સ ફેસબુકના આલબમમાં ફેરવી નાખવાની અથવા ડાઉનલોડ કરી લેવાની તક મળશે. અલબત્ત, મે મહિના પછી આ સગવડ પણ બંધ થઈ જશે. ઇન્ટરનેટમાં આ રીતે સર્વિસીઝ બંધ થવાની કોઈ નવાઈ રહી નથી!
