ભારતમાં ઓનલાઇન શોપિંગનો વ્યાપ મોબાઇલ્સ કે ફેશન એક્સેસરીઝથી વધીને હવે જીવનજરૂરિયાતની ચીજવસ્તુઓ સુધી વિસ્તરી ગયો છે. બિગ બાસ્કેટ અને ગ્રોફર્સ જેવી કંપની ઘર આંગણે કરિયાણા અને શાકભાજીની ડિલીવરી કરવા લાગી છે.
આ કંપનીઝ સમારેલાં શાકભાજી સુદ્ધાં ડિલીવર કરે છે. એમેઝોન પર કરિયાણું તો ઘણા સમયથી ઉપલબ્ધ છે પરંતુ હવે ‘એમેઝોન ફ્રેશ’ નામે રોજિંદી જરૂરિયાતના ફળો, શાકભાજી તેમજ કરિયાણું ઓનલાઇન ઓર્ડર કરી શકાશે અને બે-બે કલાકના સ્લોટ્સમાંથી કોઈ પણ પસંદ કરીને તે દરમિયાન ડિલીવરી મેળવી શકાશે. ૨૩ ઓગસ્ટથી એમેઝોન ફ્રેશ સર્વિસ બેંગલુરુના અમુક વિસ્તારોમાં લોન્ચ થઈ છે.
