એરપોર્ટના વિશાળ પાર્કિંગ પ્લોટ્સ જેવી કોઈ જગ્યાએ તમે કાર પાર્ક કરો પછી કાર એક્ઝેટલી ક્યાં પાર્ક કરી હતી તે યાદ રાખવું મુશ્કેલ બની જતું હોય તો ગૂગલ મેપ્સ તમારી મદદ કરી શકે છે.
જોકે એ માટે તમારા ફોનમાં લોકેશનનું સેટિંગ ઓન હોવું જરૂરી છે.
કાર પાર્ક કર્યા પછી સ્માર્ટફોનમાં ગૂગલ મેપ્સ એપન ઓપન કરો અને તેમાં દેખાતા બ્લુ ડોટ પર ક્લિક કરો.
આ ડોટ મેપ પર આપણું સ્થાન દર્શાવે છે.
દેખાઈ રહેલા વિકલ્પોમાં ‘સેવ યોર પાર્કિંગ’ વિકલ્પ ક્લિક કરો.
હવે દેખાતા સ્ક્રીનમાં ‘મોર ઇન્ફો’ પર ક્લિક કરો. અહીંથી તમે આ લોકેશન બીજા સાથે શેર કરી શકો છો. કોઇ નોંધ લખવી હોય તો લખી શકો છો અને નિશ્ચિત સમય માટે પાર્કિંગ મળ્યું હોય તો તે સમય નોંધી દેવાથી છેલ્લી પંદર મિનિટ બાકી હોય ત્યારે તમને એલર્ટ પણ મળી જશે!
એ ઉપરાંત અહીં કેમેરા આઇકન પર ક્લિક કરીને તમે કારના લોકેશનનો ફોટોગ્રાફ પણ મેપમાં સેવ કરી શકો છો.
કમ્પ્યુટર પર જુદા જુદા પ્રોગ્રામ્સની જુદી જુદી વિન્ડોઝ પર કામ કરી રહ્યા હો ત્યારે એક સાથે તમામ વિન્ડોઝ મિનિમાઇઝ કરવાની જરૂર ઊભી થઈ? તો વિન્ડો કી+એમ કી પ્રેસ કરો. એ જ રીતે શિફ્ટ સાથે વિન્ડો કી અને એમ પ્રેસ કરતા અગાઉ મિનિમાઇઝ કરેલી વિન્ડો પૂર્વવત થઇ જશે.
