એક તરફ રિલાયન્સ જિઓ ફક્ત ૧૫૦૦ રૂપિયા ભરીને એ પણ પરત મળી જાય એવી સ્કીમ સાથે ફિચર ફોન ઓફર કરે છે અને બીજી તરફ, કંપની હવે ફોર-જી કનેક્ટિવિટી સાથેના જિઓ લેપટોપ પણ લોન્ચ કરવાની તૈયારીમાં છે.
સમાચારો મુજબ કંપનીએ યુએસની ચીપ મેકર કંપની ક્વાલ્કોમ સાથે જોડાણ કર્યું છે. આ લેપટોપમાં વિન્ડોઝ-૧૦ ઓપરેટિંગ સિસ્ટમ હશે અને ફોર-જી સિમ આધારિત ઇન્ટરનેટ કનેક્ટિવિટી હશે.
મતલબ કે આ લેપટોપને ઇન્ટરનેટ સાથે કનેક્ટ કરવા માટે આપણે વાઇ-ફાઇ કે ડોન્ગલ કે હોટસ્પોટ જેવી કોઈ સુવિધા પર આધાર રાખવાની રહેશે નહીં.
વાત જિઓની છે એટલે દેખીતું છે કે કંપની જિઓ લેપટોપ્સ માટે ખાસ પ્રકારના ટેરિફ પ્લાન ઓફર કરશે અને તેમાં કન્ટેન્ટ પાર્ટનર્સની મદદથી વિવિધ પ્રકારનું કન્ટેન્ટ પણ સામેલ રહેશે. જોકે આ લેપટોપ અત્યંત આકર્ષક કિંમતે ઓફર નહીં થાય તો માત્ર ઇનબિલ્ટ ડેટા કનેક્ટિવિટી માટે લોકો આ લેપટોપ પસંદ કરે એવી શક્યતા ઓછી છે.aro
