વાત વીજળીની હોય કે કેશલેસ ટ્રાન્ઝેક્શનની, કોઈ પણ નવી ટેક્નોલોજીને સામાન્ય બનતાં વાર તો લાગતી હોય છે. ફક્ત, આપણે તેનું મહત્વ પારખવામાં મોડું કરતા હોઈએ છીએ! આ સંદર્ભે, ‘સાયબરસફર’ના એક વાચકમિત્ર શ્રી તપન મારુએ પૂણેથી વોટ્સએપ પર એક મજાની ઇમેજ મોકલી છે.
જગતને વીજળીની ભેટ મળી એ વર્ષો દરમિયાન, અમેરિકા-ઇંગ્લેન્ડની હોટેલ્સના રૂમમાં, ઉપર દર્શાવેલ પોસ્ટર જોવા મળતાં હતાં, જેમાં હોટેલના મહેમાનનને સમજાવવામાં આવતું હતું કે “આ રૂમ એડિસન ઇલેક્ટ્રિક લાઇટથી સજ્જ છે. આપે તેને દીવાસળીથી પ્રગટાવવાની જરૂર નથી, ફક્ત દરવાજા પાસેની દીવાલ પરની ચાવી ફેરવો એટલે અજવાળું થશે. સાથોસાથ મહેમાનોને ધરપત આપવામાં આવતી હતી કે “અજવાળા માટે વીજળીનો ઉપયોગ સ્વાસ્થ્ય માટે કોઈ રીતે હાનિકારક નથી કે તેનાથી ઊંઘમાં કોઈ ખલેલ પહોંચતી નથી.
