સરસ! તમે ઓનલાઇન ઓર્ડર આપીને ખરીદી કરી હોય કે લોકલ સ્ટોરમાંથી તમારો મોબાઇલ સરસ મજાના બોક્સમાં પેક થઈને તમે મળ્યો હશે. પહેલી નજરેે આકર્ષક લાગતા આ બોક્સ ખોલ્યા પછી આપણે તે ઉપયોગી રહેતા નથી એ આપણે વહેલી તકે તેેને ડસ્ટબીનના હવાલે કરીએ છીએ, પરંતુ એવી ઉતાવળ કરતાં પહેલાં કેટલીક વાતી ખાતરી કરી લેવી હિતાવહ છે. જેમ કે…
તમારો રીટર્ન પીરિયડ ચાલુ છે?
ખાસ કરીને જો આપણે ઓનલાઇન ખરીદી કરી હોય એ જો આપણને મળેલી પ્રોડક્ટમાં કોઈ અસંતોષ જણાય તો જે તે સાઇટના સેલર મુજબ આપણી પાસે ૧૦ કે ૩૦ (કે અન્ય) દિવસની મર્યાદા જે તે પ્રોડક્ટ પરત કરવાનો વિકલ્પ હોય છે. જો આ મર્યાદા હજી પૂરી થઈ ન હોય તો બોક્સ જાળવી રાખવું જરુરી છે કેમ કે પ્રોડક્ટ રીર્ટન કરતી વખતે તેેને ફરી બોક્સમાં યથાવત પેક કરીને મોકલવું પડે છે.
બોક્સ પરન બધી માહિતીની નોંધ કરી દીધી?
મોબાઇલ કે ટેબલેટ જેવી પ્રોડક્ટના બોક્સ પર પ્રોડકટ સંબંધિત વિવિધ માહિતી હોય છે એ ક્યારેક એવું બનાી શકે છે કે અંદર રહેલી પ્રોડક્ટમાં કંઈક જુદા સ્પેશિફિકેશન હોય. આવા કિસ્સામાં આપણે બોક્સ સાથે જે તે કંપનીને ફરિયાદ કરી શકીએ છીએ. તે ઉપરાંત બોક્સ પર આઈએમઈઆઈ નંબર જેવી મહત્ત્વની માહિતી પણ લખેલી હોય છે. આ માહિતીની યોગ્ય રીતે નોંધ કરી લેવી અનિવાર્ય છે.
તમે જે તે પ્રોડક્ટ ઝડપથી રી-સેલ કરવા માંગો છો?
તમે ખરીદેલ મોબાઇલ, ટેબલેટ કે કમ્પ્યુટર જેવી વસ્તુે થોડો સમય વાપર્યા પછી ડાયરેક્ટ કે ઓનલાઇન સાઇટ્સની મદદથી રી-સેલ કરવા માંગતા હો તો એ સમયે જો તમે ઓરિજિલ પેકિંગમાં વસ્તુ ઓફર કરો તો શક્ય છે કે તમે બીજા લોકો કરતાં વધુ કિંમત મળી જાય!
આટલા મુદ્દા પર ધ્યાન આપ્યા પછી બોક્સ લાંબો સમય રાખવું જરુરી એવા નિર્ણય પર પહોંચો તો પછી તાબડતોબ તેનો નિકાલ કરો!