ડિજિટલ ડેટાનું પ્રમાણ કેટલું વધતું જાય છે એ જુઓ – હવે આપણે એસડીકાર્ડ લેવા જઈએ તો દુકાનદાર ૮ કે ૧૬ જીબીનું એસડી કાર્ડ બતાવે છે. ૨-૪ જીબીનાં કાર્ડ તો હવે જાણે ખોવાઈ જ ગયાં છે. જોકે હવે ૮-૧૬ જીબીનાં કાર્ડ પણ ભૂલાવા લાગે એવા દિવસો દૂર નથી.
છેક ૨૦૦૩માં સેન્ડિસ્ક કંપની ૫૧૨ એમબી (જીબી નહીં!)નું તેનું પહેલું એસડી કાર્ડ લોન્ચ કર્યું હતું. ત્યારથી આજ સુધીના એક દશકમાં એસડી કાર્ડની કેપેસિટીની ડિમાન્ડ સતત વધતી રહી છે અને હમણાં હમણાં જ સેન્ડિસ્ક કંપનીએ ૫૧૨ જીબીનું એસડી કાર્ડ રજૂ કર્યું છે.
ચપટીમાં સમાય એવા આ કાર્ડની સાઇઝ તો એની એ જ રહી છે, પણ તેની સ્ટોરેજ કેપેસિટી ૧૦૦૦ ગણી વધી ગઈ છે. આ કાર્ડમાં ૯૦ એમબી/સેક્ધડની સ્પીડે ડેટા રાઇટ થઈ શકશે. હાઇ-રેઝોલ્યુશન વીડિયો રેકોર્ડિંગ અને ૪કે અલ્ટ્રા એચડી વીડિયો રેકોર્ડ કરવા માટે પણ આ કાર્ડ કામ લાગશે.
આ કાર્ડમાં એમપી૩ ફોર્મેટનાં લગભગ ૮૦૦ આલબમ અને ૧૫૦ જેટલી મૂવી સ્ટોર કરી શકાશે!
અને કિંમત? આ કાર્ડ લગભગ ૮૦૦ ડોલર એટલે કે લગભગ અડધો લાખ રૂપિયામાં મળશે, પછી કિંમત ધડાધડ નીચે ઊતરશે!
