જાન્યુઆરીના અંકમાં મજા આવી ગઈ. ખાસ કરીને ઓરિગામીની બંને સાઇટમાં, કેમ કે હું આર્ટ અને ક્રાફ્ટ ટીચર છું એટે મેં મારા વિદ્યાર્થીઓ માટે ઘણું બધું ડાઉનલોડ કરી લીધું છે. અરવિંદગુપ્તાટોય્ઝ.કોમ નામની સાઇટ પણ મને ‘સાયબરસફર’થી જાણવા મળી હતી. સ્કૂલમાં હું એના આધાર પર જ ક્રાફ્ટ વર્ક કરાવું છું.

જીઇએફએસ-ઓનલાઇન જોવાની પણ બહુ મજા આવી. વીડિયો ડાઉનલોડ કરવા માટેની કોઈ સારી સાઇટ કે ફ્રી સોફ્ટવેર હોય તો જણાવશો. જાન્યુઆરીનું આખું મેગેઝિન લેપટોપ લઈને એના ઉપર વાંચી નાખ્યું. બધી સાઇટ ચેક કરી લીધી. ડેઇલીલિટ પણ ઘણી ઉપયોગી સાઇટ છે.
મારા લેટોમાં ગૂગલ ક્રોમમાં મેં જે બુકમાર્ક બાવ્યા છે તે જ બુકમાર્ક મારી સ્કૂલા બ્રાઉઝરમાં આવી શકે કે કેમ?
– રાજેન્દ્ર ચૌહાણ,
સિક્કા, જામનગર
(છેલ્લા પ્રશ્નનો જવાબ આ અંકની કવરસ્ટોરીમાં મળી જશે! – સંપાદક)

‘સાયબરસફર’ ખરેખર એક અમેઝિંગ મેગેઝિન છે! ડિજિટલ એડિશનમાં જે રીતે પેજીસ ફરે છે એ બહુ ગમ્યું. કાશ હું ગુજરાતી વાંચી શકતો હોત! મને હવે ધ્યાનમાં આવ્યું છે કે ઓરિગામી પ્લેયર અમેરિકા પછી ભારતમાં સૌથી વધુ લોકપ્રિય છે.
– ક્રિસ્ટોફર પૂલી, યુકે
(જાન્યુઆરી, ૨૦૧૩ અંકમાં જેની વાત છે તે ઓરિગામી પ્લેયર સાઇટના સર્જક)

મેગેઝિનની લિંક શેર કરવા બદલ થેન્ક યુ. વિષયને બહુ સરસ રીતે રજૂ કર્યો. તમારા ઉત્સાહને હું બિરદાવું છું. તમારા વાચકો સાથે જીઇએફએસ શેર કરવા બદલ થેન્ક યુ!
– ઝેવિયર તસીન (જીઇએફએસઓનલાઇન.કોમ)

ઉત્તરાયણમાં પતંગ ચગાવ્યા પછી લેપટોપ ઉપર વિમાન ઊડાડવાની બહુ જ મઝા આવી. કોઈ પ્રોબ્લેમ ન થયો. એક અલગ જ આનંદ હતો.
– હિતેષ

મેગેઝિનનો આ અંક ફેન્ટાસ્ટિક હતો. મારા જેવાને નોલેજ બિલ્ડિંગ કરવામાં એ બહુ ઉપયોગી થાય છે.
– પિંકલ પટેલ, અમદાવાદ

ઘણા વખતે કમ્પ્યુટર વિશેની સારી માહિતી વાંચવા મળી, તે પણ ગુજરાતી ભાષામાં!
– રજનીકાંત આર. જોષી, દ્વારકા

ખરેખર ઘણું ઉપયોગી મેગેઝિન!
– ધવલ પ્રજાપતિ