યુનિટી પ્લેયરની મદદથી બનાવવામાં આવેલી Racey Rocket ગેમ 43 એમબી જેટલી જગ્યા રોકશે, પણ જ્યારે રમવા બેસશો ત્યારે તમારું ધ્યાન સતત રોકી રાખશે ખરી.

ગેમમાં કરવાનું એટલું છે કે આપણને આપવામાં આવેલા એક રોકેટને નિશ્ચિત માર્ગે, નિશ્ચિત જગ્યા સુધી પહોંચાડવાનું છે. એટલું થાય એટલે આગલા લેવલમાં આગળ વધી શકાય.

શરૂઆતમાં સામાન્ય લેવલ્સમાં આપણને ગેમના વિવિધ રૂલ્સ સમજાવવામાં આવે છે, જેમ કે રોકેટને કંટ્રોલ કેવી રીતે કરી શકાય, કયા રંગની વોલને આપણે કેવી રીતે ટ્રીટ કરવાની છે અને તેમનો કેવી રીતે ફાયદો લેવાનો છે વગેરે. આ બધું સમજી લીધા પછી, રોકેટને આપણી મરજી મુજબ નહીં, પણ ગેમના રૂલ્સ મુજબ દોડાવીને લેવલ પાર કરતા રહેવાનું છે. એકદમ શાર્પ ટર્ન્સ ધરાવતી આ ગેમ તમારી આંગળી અને મગજ વચ્ચેના કમ્યુનિકેશનની બરાબર કસોટી કરશે! ગેમ ઓફલાઇન પણ ચાલશે.

અલબત્ત, આ હજી અનરીલિઝ્ડ વર્ઝન હોવાથી ક્યારેક અટકી પડે એવું બની શકે છે.