કિંમત ૯૦ લાખ ડોલર. ચલાવવા માટે ૬૦ માણસનો સ્ટાફ અને વિશાળ વાતાનુકૂલિત વિસ્તાર- આવાં કમ્પ્યુટર બનાવનાર આઇબીએમ કંપનીએ પહેલું પીસી-પર્સનલ કમ્પ્યુટર બનાવ્યું ત્યારે શોખીન જીવડા પોતપોતાની આવડત પ્રમાણે પીસી બનાવતા થયા હતા, પણ આઇબીએમના ૫૧૫૦ મોડેલથી પીસી વ્યાપક અને વ્યાવસાયિક ઉપયોગ માટે ઉપલબ્ધ બન્યું.
૧૬ કેબીની ‘રેમ’ ધરાવતા પીસીના પ્રાથમિક મોડેલની કિંમત હતી ‘ફક્ત’ ૧૫૬૫ ડોલર. ‘માઇક્રોસોફ્ટ’ જેવી એ વખતે અજાણી કંપનીની ઓપરેટિંગ સિસ્ટમ અને ‘ઇન્ટેલ’ની ચીપથી સજ્જ આ દાગીનાનું વજન સાડા અગિયાર કિલો હતું. ફક્ત ચાર મહિનામાં ૬૫ હજાર નંગના વેચાણથી પીસીના યુગની સાથોસાથ, ઓપરેટિંગ સિસ્ટમમાં માઇક્રોસોફ્ટનો સિક્કો પણ જામી ગયો.
કમ્પ્યુટરના ઇતિહાસની સમયરેખા અને દરેક મુદ્દાની સચિત્ર લિન્ક: http://goo.gl/h3Gl7
