સિસ્કો નામની એક કંપનીના અહેવાલ અનુસાર આવતાં ત્રણ વર્ષમાં ભારતમાં ઇન્ટરનેટનો ઉપયોગ કરતા લોકોની સંખ્યા ૯૦.૭ કરોડને આંબી જશે!
ભારતની વસતી ૨૦૧૯માં ૧.૩૭ અબજને ઓળંગી ગયાનો અંદાજ છે. વર્ષ ૨૦૧૮ના આંકડા પ્રમાણે ભારતમાં ઇન્ટરનેટ યૂઝર્સની સંખ્યા ૩૯.૮ કરોડ એટલે કે કુલ વસતીના ૨૯ ટકા હતી, જે ૨૦૨૩ સુધીમાં કુલ વસતીના ૬૪ ટકા થઈ જશે.
અહેવાલ અનુસાર વર્ષ ૨૦૨૩ સુધીમાં ભારતમાં નેટવર્ક સાથે કનેક્ટેડ સાધનોની સંખ્યા ૨.૧ અબજ થઈ જશે. જેમાંથી લગભગ ૨૫ ટકા સાધનો મશીન-ટુ-મશીન પ્રકારનાં હશે. નેટવર્ક સાથે કનેક્ટેડ સાધનોમાં સ્માર્ટફોનનું પ્રમાણ ૩૮ ટકા અને સ્માર્ટ ટીવીનું પ્રમાણ ૧૨ ટકા રહેવાની સંભાવના છે.
