ધારો કે તમારી પાસે કોઈ એવી પીડીએફ ફાઈલ આવી જેમાં આઠ-દસ પાનાં છે. તેમાંથી તમારે માત્ર કોઈ એક પાનું કે અલગ અલગ પાનાં અલગ અલગ પીડીએફ ફાઈલ્સ તરીકે જોઇએ છે? તો તમે શું કરશો?
આવું કરવાના જુદા જુદા ઘણા રસ્તા છે. જો તમારી પાસે અમુક ખાસ પ્રકારના પીડીએફ એડિટિંગ સોફ્ટવેર હોય તો તેમાં તમે મૂળ પીડીએફ ઓપન કરીને તેમાંથી અલગ અલગ પેજને અલગ અલગ પીડીએફ તરીકે સેવ કરી શકો. પણ આવા ખાસ સોફ્ટવેર ન હોય તો?
તો એક સાવ સહેલો રસ્તો અજમાવી શકાય.
કમ્પ્યુટરમાં તમારી પીડીએફ ફાઇલનું લોકેશન શોધીને તેને રાઇટ ક્લિક કરો અને ‘ઓપન વીથ ગૂગલ ક્રોમ’ સિલેક્ટ કરીને આ પીડીએફ ફાઇલને ગૂગલ ક્રોમ બ્રાઉઝરમાં ઓપન કરો. તમે પીડીએફ ફાઈલને ક્રોમની કોઈ પણ બ્લેન્ક ટેબમાં ડ્રેગ કરીને પણ ઓપન કરી શકો છો.
આ પછી ક્રોમમાં જમણી તરફ આપેલ ત્રણ ડોટ પર ક્લિક કરીને પ્રિન્ટનો કમાન્ડ આપો. તેમાં ‘ડેસ્ટિનેશન’માં ‘સેવ એઝ પીડીએફ’ પસંદ કરો અને ‘પેજીસ’માં ‘ઓલ’ ને બદલે ‘કસ્ટમાઇઝ્ડ’ પર ક્લિક કરો. હવે પેજીસમાં તમારે જે જે પેજની અલગ પીડીએફ જોઇતી હોય તે પેજ વારાફરતી સિલેક્ટ કરો અને દરેકને અલગ અલગ પીડીએફ ફાઇલ તરીકે સેવ કરી લો!
2 responses
I have started using it. Very useful feature. I don’t think, I will need any separate app in my mobile for browsing to the news as I have created a list for it using List feature of Twitter.
Yes, you won’t need any separate app. For PC, try tweetdeck, very useful!