સવાલ લખી મોકલનાર- ધારા ત્રિવેદી, મહેસાણા
બિલકુલ કરી શકાય! સામાન્ય રીતે, તમે સ્માર્ટફોન કે ટેબલેટમાં જ પ્લે સ્ટોરમાં જઈને ગમતી એપ ડાઉનલોડ કરી શકો છો, પણ તમારી પાસે નાના સ્ક્રીનવાળો સ્માર્ટફોન હોય તો તમે પીસીના મોટા સ્ક્રીનનો લાભ લઈ શકો છો. એ માટે…
- સૌથી પહેલાં તમારા સ્માર્ટફોનમાં તમે ગૂગલ એકાઉન્ટથી લોગ્ડ-ઇન છો ને તે તપાસી લો.
- આ તપાસવા માટે ફોનના સેટિંગ્સમાં જાઓ, તેમાં એકાઉન્ટ્સમાં જાઓ.
- અહીં જો ‘ગૂગલ’ લખેલું જોવા ન મળે તો ‘+એડ એકાઉન્ટ’ ને ટચ કરો.
- હવે ‘ગૂગલ’ પર ક્લિક કરી, તેમાં તમારા વર્તમાન એકાઉન્ટથી લોગ-ઇન થાઓ કે નવું ગૂગલ એકાઉન્ટ ક્રિએટ કરો.
- ઓકે, હવે તમારા પીસીમાં ાહફુ.લજ્ઞજ્ઞલહય.ભજ્ઞળમાં જાઓ. અહીં પણ તમારા ગૂગલ એકાઉન્ટથી સાઇન ઇન થાઓ.
- હવે પ્લે સ્ટોરમાં ડાબી તરફ આપેલી એપ્સ પર ક્લિક કરી, તમને ગમતી એપ શોધો. જે એપ ગમે તેમાં ‘ફ્રી’ પર ક્લિક કરો
હવે આ એપ તમારા મોબાઇલમાં શું શું કરી શકે તેની વિગતો જોવા મળશે અને સાથે, તમે એકથી વધુ ડિવાઇસમાં ગૂગલ એકાઉન્ટથી સાઇન-ઇન થયા હો તો તેનું ડ્રોપડાઉન લિસ્ટ જોવા મળશે. તમે જે સ્માર્ટફોનમાં આ એપ ડાઉનલોડ કરવા માગતા હો તેને સિલેક્ટ કરો.
એપ ફ્રી હોવાથી સીધી જ ઇન્સ્ટોલની લિંક જોવા મળશે. તેને ક્લિક કરી દો. (જો એપ ફ્રી નહીં હોય તો અગાઉ ફ્રી ને બદલે તેની કિંમત પર ક્લિક કરવાનું રહેશે. આવા કિસ્સામાં તમારે ગૂગલને પેમેન્ટની વિધિ પૂરી કરવી પડશે).
બસ, આટલું કરતાં તમારો સ્માર્ટફોન વાઇ-ફાઇની રેન્જમાં આવશે કે તેમાં તમે મોબાઇલ કંપનીનું ડેટા કનેક્શન ચાલુ કરશો એટલે આપોઆપ તમારા ફોનમાં ડાઉનલોડ થઈને ઇન્સ્ટોલ થઈ જશે.
