સૈન્ય માટે થયેલાં ને નાગરિકોને ભેટ તરીકે મળેલાં ક્રાંતિકારી સંશોધનોમાં ઇન્ટરનેટની સાથોસાથ ગ્લોબલ પોઝિશનિંગ સિસ્ટમ- જીપીએસનું પણ નામ મૂકવું પડે. ૧૯૭૮માં ‘નેવસ્ટાર ગ્લોબલ પોઝિશનિંગ સિસ્ટમ’ માટેનો પહેલો ઉપગ્રહ તરતો મુકાયો,ત્યારે એ પ્રોજેક્ટ નખશિખ અમેરિકાના સંરક્ષણ વિભાગ પેન્ટાગોનનો હતો. કુલ ૧૮ ઉપગ્રહ દ્વારા આખી પૃથ્વીને આવરી લેવાની યોજના હતી, પરંતુ સમય જતાં ઉપગ્રહોની સંખ્યા વધારીને ૧૮ને બદલે ૨૪ કરવામાં આવી. ૧૫ વર્ષ સુધી અણુબોમ્બના પ્રાયોગિક ધડાકા અને લશ્કરી હિલચાલ જેવાં ખબરઅંતર રાખવા માટે વપરાયેલી જીપીએસ સિસ્ટમને આ દિવસે નાગરિક ઉપયોગ માટે ખુલ્લી મૂકવામાં આવી. હવે તે સ્માર્ટ ફોન અને ટેબ્લેટ થકી ગ્રાહકોના ખિસ્સામાં સમાઈ ગઈ છે.
જીપીએસ કેવી રીતે કામ કરે છે? જુઓ : http://goo.gl/DAg5J
