આપણા સૌની ન્યૂ નોર્મલ લાઇફમાં સ્કૂલના ક્લાસ, ટ્યૂશન અને બિઝનેસ મીટિંગથી લઇને પારિવારિક સ્વજનના દુઃખદ મૃત્યુ પછીની પ્રાર્થનાસભા સુધીનું બધું હવે વીડિયો મીટિંગના માધ્યમથી થવા લાગ્યું છે. ડિજિટલ સાધનોના ઉપયોગમાં બધી રીતે આપણા કરતાં વધુ સ્માર્ટ બાળકો વીડિયો મીટિંગ સાથે સહજતાથી એડજસ્ટ થઈ જાય છે, પરંતુ મોટા લોકોને આ માધ્યમ સાથે ગોઠવાતાં વાર લાગી રહી છે. આ સ્થિતિમાં વીડિયો કોલિંગ વિશે કેટલીક વાતો બરાબર સમજી લેવા જેવી છે. આ બધી બાબતો ઝૂમ, ગૂગલ મીટ, માઇક્રોસોફ્ટ ટીમ્સ, વોટ્સએપ વગેરે લગભગ બધી વીડિયો કોલિંગ એપ્સને લાગુ પડે છે.
